कञ्चनपुर। बैतडीको पञ्चेश्वर गाउँपालिका–४ की २१ वर्षीया माया लुहारको घाँटी रेटी हत्या गरेको आरोप लागेका सशस्त्र प्रहरी जवान लाइ पक्राउ गरिएको छ ।
बैतडीकै शिवनाथ गाउँपालिका– ४ का भरतराम कोलीलाई प्रहरीले महेन्द्रनगरबाट पक्राउ गरेको हो । उनलाई आज (आइतबार) बिहान महेन्द्रनगर बजारमा डुलिरहेको अवस्थामा पक्राउ गरिएको जिल्ला प्रहरी कार्यालय कञ्चनपुरले जानकारी दिएको छ ।
पोखराको दंगा तालिम व्यवस्थापन शिक्षालयमा सशस्त्र प्रहरीका रुपमा कार्यरत कोली निर्वाचनका बेला केही समय बैतडी आफ्नो गाउँ फर्केका थिए । २२ वर्षीय कोलीले प्रेमको रिसइबीमा २१ वर्षीया मायाको हत्या गरेको र मायाकी भदै नेहा लुहारलाई समेत मार्ने उद्देश्यले चक्कु प्रहार गरी घाइते बनाएको आरोप लागेको छ । महेन्द्रनगरको बसपार्कमा हिडिरहेको अवस्थामा उनी आज पक्राउ परेका हुन् ।
प्रहरी सबै विवरण खुलाइसकेको छैन । उनीमाथि सुरुदेखि नै शंका रहेकोमा प्रहरीले सूक्ष्म निगरानी र अनुसन्धान गरिरहेको थियो । घटना बैतडीकाे भएकाले कञ्चनपुर प्रहरीले कोलीलाई पक्राउ गरी बैतडीका लागि पठाइसकेको छ । अब उनीमाथि बैतडी प्रहरीले नै थप अनुसन्धान गर्नेछ ।
प्रतिक्रिया दिनुहोस्