दोहा कतार – रोल्पाली सेवा समाज कतार शाखाको छैटौं वार्षिक साधारण सभा आगामी अर्थात १० जनवरी – २०२५ शुक्रबार सनैयामा स्थित फुलबारी स्पाइस रेष्टुरेन्टको सभाहलमा हुने भएको छ ।
“मात्रृभुमिको लागि विश्वभरका रोल्पालीहरु गोलबन्ध होऔं” भन्ने मुल नाराको साथमा वि.सं.- २०७५ सालमा स्थापना भएको नितान्त सामाजिक संस्थाले कार्यक्रममा उपस्थितिको लागि दोहामा स्थापित सम्पुर्ण संघ संस्था, बैचारिक संस्था, विशिष्ट व्यक्तित्व, समाजसेवी, बुद्धिजीवी, सामाजिक अभियान्ता, व्यवसायी, कलाकार तथा पत्रकारहरुलाई पत्राचार गरि सकेको र कार्यक्रमको आवश्यक तयारी पुरा भइ सकेको समाजका अध्यक्ष गोपाल डागीले नेपाली जनता खबरलाई जानकारी गराएका छन ।
कार्यक्रममा कतारमा रहेर सङ्गीत क्षेत्रमा आफ्नो पहिचान बनाइसकेका कलाकारहरुको उत्कृष्ट साङ्गीतिक प्रस्तुतिहरु पनि रहने आयोजक समितिले बताएको छ ।
यो समाचार पढेर तपाईंलाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्