दोहा कतार- म्याग्दी प्रवासी नेपाली सङ्घ (मोना) कतारको गत शुक्रबार सम्पन्न १२औँ साधारणसभा कार्यक्रमबाट अध्यक्षमा रघुगङ्गा गॉउपालीका वडा नं. २ भगवती निवासी बाबुराम भण्डारी सर्वसम्मत चयन भएका छन । सनैया स्थित फूलबारी रेस्टुरेन्टको सभाहलमा दुई चरण गरि सम्पन्न भएको साधारणसभाको बन्द सत्र बाट भण्डारी सहित ३१ सदस्यीय नयाँ कार्यकारिणी समिति सर्वसम्मत चयन भएका छन् ।
मोना कतारका अध्यक्ष राजु पौडेलको सभापतित्व र म्याग्दी प्रवासी नेपाली सङ्घका संस्थापक अध्यक्ष तथा हङकङका लागि नेपाल सरकारका तर्फबाट पर्यटन प्रवर्द्धनदूत समेत रहेका प्रकाश पुनको प्रमुख आतिथ्यता, एनसीसी कतारका अध्यक्ष रमेश भट्टको विशिष्ट आतिथ्यता र दोहामा स्थापित विभिन्न संघ संस्था एवं, बैचारिक संस्थाका प्रमुख तथा प्रतिनिधिहरु, सामाजिक व्यक्तित्व, समाजसेवी, बुद्धिजीवी, व्यवसायीहरु लगायतको बाक्लो उपस्थितिमा बिधिबत रूपमा पञ्चेबाजा बजाएर ब्यानर अनावरण, दीप प्रज्वलन, राष्ट्रिय गान, कतार तथा प्रवासमा मृत्यु भएका सबै म्याग्देली तथा नेपाली सहित सहिदहरूका सम्झनामा एक मिनेट मौन धारण गरे प्रश्चात वार्षिकोत्सवको केक काटेर शुभारम्भ गरिएको १२औँ साधारणसभा, २२औँ वार्षिकोत्सव तथा विविध सांस्कृतिक कार्यक्रमबाट अध्यक्षमा भण्डारी सहित वरिष्ठ उपाध्यक्षमा मगंला गाउँपालिका वडा न ४ का देवी दत्त कँडेल, प्रथम उपाध्यक्षमा मालिका गॉउपालीका वडा न ५ रुन्माका पदम पुन, उपाध्यक्षमा रघुगंगा गॉउपालीका वडा न ३ पिप्लेका रुकुम श्रीपाली, महासचिवमा अन्नपूर्ण गॉउपालीका वडा न ६ घारका कृष्ण खड्का (शिव), सचिवद्धय रघुगंगा गॉउपालीका वडा न ३ पिप्लेका नरेन्द्र कुमार दर्जी र अन्नपूर्ण गॉउपालीका वडा न ३ दानाका प्रेम बहादुर गर्बुजा, कोषाध्यक्ष अन्नपूर्ण गॉउपालीका वडा न ६ घारका नवराज रिजाल र सह-कोषाध्यक्ष बेनि नगरपालिका वडा न ७ संगमचोककी मोना नेपाली सर्वसम्मत चयन भएका हुन् ।
त्यस्तै समितिको महिला संयोजकमा मङ्गला गाउँपालीका वडा न ४ सुनधाराकी टिकामाया रोका, महिला उप-संयोजक मालिका गॉउपालीका वडा न २ चिउरी बोटकी पार्वती पुन चुनिएकी छन् भने मगंला गाउँपालिका संयोजकमा मङ्गला गाउँपालीका वडा न पाँखुका राम बहादुर बानीयॉ, रघुगंगा गाउँपालिका संयोजक रघुगंगा गाउँपालीका वडा न ३ मौवाफाटका विष्णु खत्री, अन्नपूर्ण गाउँपालिका संयोजक अन्नपूर्ण गाउँपालीका वडा न २ भुरुङ तातोपानीका याम बिक, मालिका गाउँपालिका संयोजक मालिका गाउँपालिका वडा न ३ किटेनीकी यामुना पटेल, बेनी नगरपालिका संयोजक बेनी नगरपालिका वडा न ९ तोरीपानी निवासी पल सुन्दास, वरिष्ठ सदस्य तथा सांस्कृतिक संयोजक बेनी नगरपालिका वडा न ५ चिप्लेटीका राजन खत्री पनि चयन भएका छन् ।
बन्द सत्रले नै समितिको वरिष्ठ सदस्यहरूमा मालिका गाउँपालीका वडा न ३ डाँडागाउकी कोपिला पटेल, सिर्जना घताने र कल्पना घताने, सोही गाउँपालिका वडा न १ रिठेचौरकी सपना पुन, अन्नपूर्ण गाउँपालिका वडा न ४ गाडपारका भूपेन्द्र पुर्जा, अन्नपूर्ण गाउँपालीका वडा न १ दोबाका दिल घताने, मगंला गाउँपालिका वडा न ४ का गंगाधर कँडेल रहेका छन् । त्यस्तै कार्यकारिणी सदस्यहरूमा अन्नपूर्ण गाउँपालीका वडा न ६ घाराका बिल बहादुर दर्जी, सोही गाउँपालिका वडा न २ भुरुङ तातोपानीका देवी विक, तारा बि क, बेनी नगरपालिका वडा न १० पात्लेखेतका भत बहादुर दर्जी, रघुगंगा गाउँपालीका वडा न ३ रानीपौवाका प्रेम बिक, सोही गाउँपालिका वडा न ६ कोटगाँउका लाल प्रसाद पुन र वडा न ३ मौवाफाटका भगवान भण्डारी रहेका छन् भने सर्वसम्मत चयन भएको कार्यसमितिलाई निर्वाचन समितिका संयोजक बिक्रम कार्कीले पद तथा गोपनीयताको शपथ ग्रहण गराएका थिए ।
साधारणसभामा सहभागी हुन् गृह जिल्ला म्याग्दीबाट कतार आएका म्याग्दी जिल्ला भलिबल सङ्घका अध्यक्ष तेजेन्द्र बानियाले म्याग्दीमा अन्तर्राष्ट्रिय स्तरको भलिबल कबर्ड हल निर्माण अभियानमा सङ्घ लागिहरेको बताउँदै कतारबाट पनि सहयोगको अपेक्षा गरेको बताए । साधारणसभामा गैरआवासीय नेपाली सङ्घ (एनआरएनए) कतारका अध्यक्ष रमेश भट्ट, मोना कतार बहुउद्देश्यीय अक्षयकोषका अध्यक्ष बिक्रम कार्की, मोना कतारका संरक्षकद्धय रमेश पौडेल र प्रेम रसाइली सहित साधारणसभामा बोल्ने वक्ताहरूले आयोजक समाजले सामाजिक तथा मानवीय क्षेत्रमा गरेको कार्यहरुको प्रसशा गरेका थिए ।
कार्यक्रमलाई सम्बोधन गर्दै बोलेका प्रमुख अतिथि पुनले मोनालाई अन्तर्राष्ट्रिय करणका खातिर मोना कतारले गरेको त्याग र योगदान अतुलनीय रहेको बताए । उनले म्याग्दी डेभलपमेन्ट ट्रस्ट जिल्लामा दर्ता गरिएको जानकारी दिँदै १८ वर्ष भन्दा माथिका र ६० वर्ष भन्दा तलका म्याग्देलीले आफ्नो पुरा जीवनमा एक पटक नेपाली एक हजार सहयोग गर्ने हो भने आफूले हंगकंगबाट उक्त ट्रस्ट मार्फत करोडौँ रकम भित्राएर विकास गर्न सकिने धारणा राखेका थिए ।
संघका महासचिव शिव खड्काले कार्यक्रमको सहजीकरण गर्दै सङ्घले कार्यकाल भरि ८७ हजार ७ सय ६२ रुपैयाँ आम्दानी गर्दै ८१ हजार ५ सय ३९ रुपैयाँ खर्चँदै ६ हजार २ सय २३ रियाल संस्थामा बचत रहेको आयव्यय पेस गरेका थिए भने कार्यक्रम अबधिभर परियार मित्रता समाजको पञ्चेबाजा समूहको बाजामा कतारमा रहेर कलाकारिता निरन्तरता दिदै आएका कलाकारहरू यामुना पटेल, सुधा परियार, बाबु कौसल, रेश्मी सेन्चुरी र अनिता परियारले आ-आफ्नो साङ्गीतिक प्रस्तुतिले हलमा उपस्थित सबैलाई नचाएका थिए ।
कार्यक्रममा भलिबल खेलाडी, सामाजिक व्यक्तित्वहरू, सिङ्गो कार्यसमिति, संस्थाका संरक्षक, सल्लाहकारहरू, विशिष्ट अतिथि सहित प्रमुख अतिथिलाई दोसल्ला र मायाको चिनोले सम्मान गरिएको थियो भने साङ्गीतिक प्रस्तुति दिने कलाकार र पञ्चेबाजा समूह नगद रकम सहित सम्मान पत्रले सम्मानित भएका थिए । त्यस्तै मध्याह्न राष्ट्रिय दैनिकका कतार प्रतिनिधि तिलु शर्मा पौडेल, लोकप्रिय समाचारका कतार संवाददाता दर्शन सुनार र नेपाली जनता खबर.कमका कतार संवाददातालाई मोना कतारका लागी समय र शब्द खर्च गरेर समाचार मार्फत प्रचार प्रसार गरी सहयोग गरेको भन्दै नगद सहित सम्मान सम्मान गरिएको थियो ।
कार्यक्रममा प्रवासबाट खोलिने डिम्याट खाता, आइपियो, बैंकिंग प्रणालीबाट रेमिटेन्स लगायतका विषयमा नविल बैकका रिलेशनसिप मेनेजर दीपेन्द्र पौडेल र कतारमा रहँदै गर्दा श्रम नवीकरण, सामाजिक सुरक्षा कोषको महत्त्व र लाभका बारेमा सामाजिक व्यक्तित्व अर्जुन पौडेलले आफ्ना धारणाहरू उपस्थितका बिचमा राखेका थिए ।
मोना कतारका प्रथम उपाध्यक्ष हेम बानियाँले स्वागत मन्तव्य र नृत्याङ्गना यामुना पटेलले म्याग्दी जिल्लामा जन्मिएको मौलिक थाली नाचद्वारा स्वागत नृत्य पेस गरेकी खुल्ला सत्र कार्यक्रमको अन्तमा सभापति पौडेलले मोना कतारका संस्थापक देखि आफ्नो कार्यकालको अन्तिम दिन सम्म साथ सहयोग गर्ने सबै प्रति आभार व्यक्त गर्दै मोना कतारको संरक्षकत्वमा स्थापित मोना कतार बहुउद्देश्यीय अक्षयकोषको हितमा पनि नयाँ समितिले काम गर्ने विश्वास राख्दै कार्यक्रम समापन गरेका थिए ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्