दोहा कतार- “आपसी सहयोग, सामाजिक सद्भाव र बन्धुत्त्वको लागि सद्भाव युवा समाज कतार” भन्ने मुल नारा सहित सन् २००८ वि.सं. २०६४ मा स्थापना भएको श्री सद्भाव युवा समाज कतारको गत ८ फेब्रुअरी शनिबार सम्पन्न १७औं वार्षिकोत्सव तथा वार्षिक साधारणसभा बाट समाजको नेतृत्व गर्ने जिम्मेवारी पुन: सिरानचोक गाउँपलिका ६ गाखु गाउँ गोरखाका विजय गुरुङले पाएका छन ।
नज्मा स्थित अफगान युनियन मण्डी एण्ड बुखारी रेष्टुरेन्टको सभाहलमा समाजका अध्यक्ष विजय गुरुङको अध्यक्षता तथा गैरआवासीय नेपाली संघ, राष्ट्रिय समन्वय परिषद कतारका अध्यक्ष रमेश भट्टको प्रमुख आतिथ्यतामा सम्पन्न भएको साधारणसभा बाट अध्यक्षमा गुरुङ सहित उपाध्यक्षमा रुस्तम तामाङ, महासचिवमा चित्र बहादुर गुरुङ, सचिवमा नवीन अर्याल, सहसचिवमा मनिष बोहरा, कोषाध्यक्षमा हरि गुरुङ र सह-कोषाध्यक्षमा राजकुमार निरौला कार्यसमिति पदाधिकारीमा सर्वसम्मत चयन भएका छन् भने सदस्यहरूमा दुर्गानाथ उप्रेती, रेवती खकुरेल, अमृत श्रेष्ठ, श्याम खडकाथोकी, रविन काफ्ले, टंक सापकोटा, डोलराज पौडेल र युवराज कार्की पनि सर्वसम्मत चुनिएका छन् ।
खुल्ला र बन्द सत्र गरी दुई चरणमा सम्पन्न भएको कार्यक्रममा समाजका सचिव नवीन अर्यालले स्वागत मन्तव्य राख्दै समाजले गरेका कार्य प्रगति पेस गरेका थिए । समाजमा पछिल्लो कार्यसमितिबाट प्राप्त रकम बाहेक २१ हजार ४ सय १५ रियाल आम्दानी गरेको र कार्यकालभरि २१ हजार ५ सय २१ रियाल खर्च गरेको आयव्यय विवरण सह-कोषाध्यक्ष हरि गुरुङले प्रस्तुत गरेका थिए । उनले पछिल्लो कार्यसमितिबाट प्राप्त केही रकम खर्चँदै समाजमा ४१ हजार ८ सय १४ रियाल बचत रहेको पनि बताएका छन ।
गुरुङले समाजले नेपालका विभिन्न जिल्लाका विभिन्न स्कुलमा न्यानो कपडा, किताब, कापी, झोलसहित अन्य शैक्षिक सामग्रीहरु सहयोग गरेको बताउदै मानवीय सहयोग अन्तर्गत विभिन्न रोगबाट ग्रसित भएका र आर्थिक अवस्था न्यु रहेका बिरामीहरूको उपचारमा सहयोग, बाढी पहिरो पीडितलाई पाइप खरिदमा सहयोग र अनाथ बालबालिका हरूका लागी ‘माया घर’ निर्माणका लागि पनि लाखौं सहयोग गरिएको उक्त विवरणमा उल्लेख गरेका थिए ।
समाजका महासचिव चित्र गुरुङले सहजीकरण गरेका कार्यक्रममा आफ्नो शुभकामना मन्तव्य राख्दै प्रमुख अतिथि भट्टले सद्भावले एक सालमा गरेको कामको मुक्त कण्ठले प्रशंसा गरे । उनले कतारमा कहीँ कतै खादा माला लगाएर कार्यक्रममा नहिँड्ने सद्भावको कार्य विश्वमै उदाहरणीय रहेको भन्दै सद्भावले गरेको यस्तो निस्वार्थ, सहयोगी र प्रेरणादायी कार्यहरु बाट दोहामा भएका अन्य संघ संस्थाले पनि पाठ सिक्न आवश्यक रहेको बताएका थिए ।
कतारमा रहेका सीमित संघसस्थालाई मात्र निमन्त्रणा गरिएको साधारणसभा लाई सम्बोधन गर्दै तमु (गुरुङ) समाजकी अध्यक्ष टौमाया गुरुङ, नेपाली महिला समाज कतारकी अध्यक्ष माया केसीले पनि समाजले गरेको कार्य प्रगतिको उच्च प्रशंसा गरेका थिए भने तमु गुरुङ समाज कतारले कोसेली प्रदान गरेको थियो ।
साधारण सभाको खुल्ला सत्र कार्यक्रम भरि गायक रुस्तम तामाङ, नृत्यांगना सृष्टि लामा र सान्ती वली लगायतका कलाकारहरुले आ-आफ्नो सांगीतिक प्रस्तुति प्रस्तुत गरेका थिए भने साहित्यकार विनोद अधिकारीले रचना वाचन गरेका थिए । कार्यक्रममा समाजले प्रमुख अतिथि भट्टलाई सम्मान पत्रले, तमु (गुरुङ) समाज कतारकी अध्यक्ष टौमाया गुरुङ र नेपाली महिला समाज कतारकी अध्यक्ष माया केसीलाई दोसल्ला ओढाएर सम्मान गरेको थियो ।
अन्तमा सभाध्यक्ष गुरुङले आफूलाई पुन: दोस्रो कार्यकालको नेतृत्व गर्ने अवसर प्रदान गरेकोमा सम्पुर्ण सद्भाव परिवारलाई धन्यवाद दिदै आफुलाई विश्वास गरेर दिइएको यो जिम्मेवारीलाई शिरोपर गरि नितान्त निस्वार्थ भइ सामाजिक कार्यमा लाग्ने प्रतिबद्धता व्यक्त गर्दै खुल्ला सत्र कार्यक्रमको समापन गरेका थिए ।
कार्यक्रममा वर्षभरी समाजले गरेको कार्यक्रममा सहभागी भएका कलाकारहरु र साहित्यकारलाई नगद सहित सम्मान गरिएको थियो भने समाजले गरेको हरेक गतिविधिलाई पत्रकारिता मार्फत प्रचारप्रसार गरि सहयोग पुर्याएको भन्दै लोकप्रिय समाचार राष्ट्रिय दैनिकका कतार संवाददाता दर्शन सुनारलाई मायाको चिनो सहित दोसल्ला ओढाएर सम्मान गरिएको थियो ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्