क्वालालम्पुर, मलेसिया: मलेसियामा क्रियाशील गैरआवासीय नेपाली संघ (एनआरएनए) को आगामी अधिवेशन २०२५ अगस्ट ३० र ३१ मा हुने सहमति भएको छ। क्वालालम्पुरस्थित होटल ग्रान्ड कन्टिनेन्टलमा सम्पन्न ‘एकताको निम्ति बृहत भेला’ ले यो मिति तय गरेको हो।
यस भेलामा मलेसियाका विभिन्न संघसंस्था, एनआरएनएका संरक्षक, पूर्व अध्यक्ष, पदाधिकारी तथा सामाजिक अभियन्ताहरूको सहभागिता रहेको थियो। भेलामा सहभागी सबै पक्षहरूबीच सहमति जुटेसँगै लामो समयदेखि चलिरहेको विवाद समाधान भएको र संस्था एकजुट भएको एनआरएनएका आईसीसी उपाध्यक्ष खगेन्द्र न्यौपानेले जानकारी दिए।
अधिवेशनको तयारी
भेलामा भएको सहमति अनुसार:
अधिवेशन अगस्ट ३०–३१ मा हुनेछ।
सदस्यता नवीकरण तथा नयाँ सदस्यता वितरण जुलाई २१ देखि सुरु भई दुई हप्ता चल्नेछ।
सदस्यता शुल्क प्रति व्यक्ति २० रिङ्गेट निर्धारण गरिएको छ।
भेलामा बोल्दै उपाध्यक्ष न्यौपानेले विगतका गुटबन्दी अन्त्य गर्दै सबैलाई समेटेर सहमतिमा आधारित अधिवेशन गर्नुपर्नेमा जोड दिए। “मलेसियाले विश्वभरका एनआरएनएलाई सकारात्मक सन्देश दिएको छ,” उनले भने।
धारणा
विनोद थापा (पूर्व अध्यक्ष, एनआरएनए मलेसिया): “समस्याको समाधान संवादबाट खोज्नुपर्छ। अब दोषारोपण होइन, समाधानतर्फ लाग्नुपर्छ।”
शंकरबहादुर पौडेल (संरक्षक): “नेपाली समाजमा आपसी भाइचाराको भावना छ, त्यो एनआरएनएमा पनि झल्किनुपर्छ।”
राकेश महतो (हालको अध्यक्ष): “विगतका तिक्तता बिर्सेर संस्था अघि बढाउनुपर्छ।”
इन्द्रबहादुर लिम्बू (उपाध्यक्ष): “पालो अनुसार नेतृत्व दिने सहमति कार्यान्वयनमा कमजोरी हुँदा समस्या भयो, अब सुधार गर्नुपर्छ।”
सामाजिक, राजनीतिक र युवाहरूको प्रतिक्रिया
नेत्र केसी (नेपालका लागि पर्यटन दूत): “अब सहमतिका साथ अगाडि बढ्ने अवसर आएको छ।”
दयाराम कुमाल (अध्यक्ष, एमाले मलेसिया): “अब फुट होइन, मिलन र समन्वयको बाटो रोज्नुपर्छ।”
प्रेम पाण्डे (अध्यक्ष, माओवादी केन्द्र मलेसिया): “संवाद नै समाधानको बाटो हो, सबैको भूमिका अपरिहार्य छ।”
राजु लामा (युवा संयोजक): “नेतृत्व तहको झगडाले युवामा नकारात्मक प्रभाव परेको छ।”
मोहन घिमिरे (राष्ट्रिय युवा संघ नेपाल): “एनआरएनए श्रमिकको हक र देशको विकासका लागि आवश्यक संस्था हो।”
व्यवसायी र अन्य प्रतिनिधिहरूको आवाज
कमल गौतम (जनसम्पर्क उपसभापति): “इगोका कारण दुई वर्ष समस्या भयो, अब व्यक्तिगत स्वार्थ होइन, संस्थाको हित हेर्नुपर्छ।”
शेरबहादुर गुरुङ (व्यवसायी): केही व्यक्तिलाई शक्ति केन्द्रबाट संरक्षण दिँदा समस्या बढेको हो।
विजय मण्डल (व्यवसायी) चुनावताका भोट माग्नेहरू अहिले चुप छन्, यो पीडादायी छ।
दिलकुमार केरुङ (उपाध्यक्ष) अघिल्लो समिति बैठकसमेत गर्न नसक्नु लज्जास्पद हो, नेतृत्व सचेत हुनुपर्छ।”
निष्कर्ष
भेलाको निष्कर्ष स्वरूप अध्यक्ष राकेश महतोको संयोजकत्वमा अधिवेशन समिति गठन गरिने र अधिवेशन भव्य रूपमा सम्पन्न गरिने जिम्मेवारी दिइएको छ। उक्त सहमतिपत्रमा मलेसियामा रहेका सबै संघसंस्थाले हस्ताक्षर गरेका छन्। यसैसँगै एनआरएनए मलेसियामा एकताको नयाँ यात्रा सुरु भएको छ।
प्रतिक्रया दिनुहोस्