मलेसियाको मलक्का राज्यमा रहेको सगरमाथा युवा क्लबले स्वर्गीय जीवन मगरको सम्झनामा उक्त प्रतियोगिता आयोजना गर्न लागेको हो।
क्लबका अध्यक्ष प्रदीप बोहोराले हिरोनेपाल टिभीसँग कुरा गर्दै प्रतियोगिता आगामी मे ३१ र जुन १, २०२६ मा सञ्चालन हुने जानकारी दिनुभयो।
प्रतियोगितामा मलक्का भित्रका ६ टिम र बाहिरका ६ टिम गरी कुल १२ टिम सहभागी हुनेछन्। सहभागी खेलाडीहरू अनिवार्य रूपमा नेपाली नागरिक हुनुपर्ने प्रावधान राखिएको छ।
प्रतियोगितामा प्रथम हुने टिमले नगद रु ३,०१,००० सहित मेडल, ट्रफी र प्रमाणपत्र प्राप्त गर्नेछ भने द्वितीय हुने टिमले नगद रु १,५१,००० सहित मेडल, ट्रफी र प्रमाणपत्र पाउनेछ।
यस प्रतियोगितामार्फत मलेसियामा रहेका नेपाली समुदायबीच खेलकुदको माध्यमबाट आपसी सद्भाव, एकता र प्रतिभा प्रदर्शन गर्ने अवसर मिल्ने आयोजकको विश्वास रहेको छ।
प्रतिक्रया दिनुहोस्