दोहा कतार – नेपाली गीत संगीतको दुनियाँमा पछिल्लो समय अन्य गीतहरुको तुलानामा मार्मिक लोक भाकाहरु धेरै बजारमा आउने र उत्तिकै मात्रामा दर्शक स्रोताहरुको नजरमा पर्ने गरेका छन । यसै क्रममा यतिबेला सन्दीप पौडेलको शब्द नयन शर्माको संगीतमा अहिले दोहोरी क्षेत्रमा सर्वाधिक चर्चा परिचर्चा कमाउन सफल गायक बिक्रम परियार र लोकप्रिय गायिका सुनिता बुढा क्षेत्रीले आवाज भरेका एउटा उत्कृष्ट लोक दोहोरी भाका “तारा खसेको” सांङ्गीतिक बजारमा सार्वजनिक भएको छ ।
एम.टि स्टुडियोमा रेकर्ड भएको उक्त गीतको अडियो पक्षको संगीत समायोजन, मिक्सिङ, मास्टरिङ र रेकर्ड लगायतका सम्पुर्ण काम समित परियारले गरेका हुन भने भिडियो तर्फ तेजेन्द्र भण्डारीको निर्देशनमा तुल्सी सापकोटा, अविरल अधिकारी, राज श्रेष्ठले अत्यन्तै उत्कृष्टताको साथ कारुणीक अभिनय गरेका छन ।
भण्डारी आफैले आकर्षक तरिकाले छायांकन गरेका लोभलाग्दो भिडियो फुटेजहरुलाई उस्तै तरिकाले बिकाश ज्ञावलीले सम्पादन गरि कलर भरेका हुन गीतको भिडियोमा एक जोडि प्रेमी प्रेमिकाको बिच मौलाउदै गरेको निस्वार्थ माया प्रेमलाई विविध कारणबस बिचैमा छुटाइए पछीको विक्षिप्त पिडालाई देखाइएको छ । चोखो मायामा बाधिएकाहरु छुट्टीएर अरु कुनै व्यक्तिसङ्ग खुशी हुन सक्दैनन भन्ने प्रष्ट सन्देश दिन खोजिएको गीत मङ्गलबार अर्थात ५ नोभेम्बरको दिन तेजेन्द्र भण्डारी (Tejendra Bhandari) नामक युटुब च्यानल मार्फत सार्वजनिक गरिएको हो भने यो समाचार बनाउदा सम्म ८४ हजार भन्दा धेरै दर्शकहरुले नजर लगाई सकेका छन ।
तपाईलाई पनि यो समाचार पढेर गीत हेर्न र सुन्न मन लाग्यो भने तल अन्तिममा दिइएको भिडियोको लिङ्कमा क्लिक गरेर हेर्न सक्नु हुनेछ भने गीतसङ्ग जोडिने सम्पुर्ण टिमलाई नेपाली जनता खबरको तर्फबाट सफलताको धेरै धेरै शुभकामना ।।
यो समाचार पढेर तपाईंलाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्टलाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्