काठमाडौं। जारी नेपाल प्रिमियर लिगमा रोहितकुमार पौडेलको कप्तानीमा रहेको लुम्बिनी लायन्सले पहिलो जित दर्ता गरेको छ । लगातार चार खेल हारेको लुम्बिनीले आज चितवनमाथि पहिलो जित निकालेको हो ।
लुम्बिनीको जितमा कप्तान पौडेलको प्रदर्शन उत्कृष्ट रह्यो । ब्याटिङ र बलिङमा उनको शानदार प्रदर्शनका कारण चितवनमाथि ३३ रनको फराकिलो जित निकालेको हो ।
रोहितले ब्याटिङमा ८० रन बनाए भने बलिङमा ४ विकेट लिए । पहिलो जितपछि लुम्बिनीले पाँचौ खेलमा अंक खाता खोलेको छ ।
रोहितकै ४ विकेट प्रदर्शनमा १६८ रनको लक्ष्य पछ्याएको चितवन राइनोजले पूरै २० ओभर खेल्दा पनि ८ विकेट गुमाएर १३४ रन मात्र बनाउन सक्यो ।
प्रतिक्रिया दिनुहोस्