दोहा कतार- गण्डकी प्रदेश समन्वय परिषद कतारको चौथो अधिवेशन फेब्रुअरी ११ अर्थात आगामी मंगलबार सनैया स्थित फुलबारी स्पाइस नेपाली रेष्टुरेन्टको सभाहलमा हुने भएको छ ।
“हाम्रो अभिभारा, समृद्ध गण्डकी प्रदेश” भन्ने मुल नारा सहित कतारमा सन्- २०१७ मा स्थापना भएको गण्डकी प्रदेश समन्वय परिषदले फरक खालको साङ्गीतिक प्रस्तुतिहरु विशेष साँस्स्कृतिक कार्यक्रम सहित गर्न लागेको अधिवेशन कार्यक्रममा उपस्थितिको लागि दोहामा स्थापित संघ संस्था, बैचारिक संस्था, सामाजिक व्यक्तित्व, समाजसेवी, बुद्धिजीवी, सामाजिक अभियान्ता, व्यवसायीहरु लगायत मिडियाकर्मी, पत्रकार, कलाकारहरु सबैलाई पत्राचार गरिसकेको आयोजक समितिले जानकारी गराएको छ ।
दिउँसो १२:३० बाट सुरु हुने उक्त कार्यक्रमको अन्तिम तयारी पुरा भइ सकेको बताउदै परिषदका कार्यबाहक अध्यक्ष नन्दलाल बि.क (अजय) ले कारण बस पत्र छुटेको वा नपाएको भएमा यसै समाचारलाई आधार मानी उपस्थित भएर कार्यक्रमको शोभा बढाइदिन सम्पुर्ण दोहाबासी नेपाली दाजुभाइ दिदिबहिनीहरुलाई अनुरोध गरेका छन् ।
कार्यक्रममा गण्डकी प्रदेशमा प्रसिद्ध मानिने थाली नाच सङ्गै अन्य थुप्रै आकर्षक साङ्गीतिक प्रस्तुतिहरु रहने छन भने गण्डकी प्रदेश समन्वय परिषद, कतार स्थापना कालदेखी नै विभिन्न सामाजिक कार्यहरूमा सक्रिय भुमिका निभाई रहेको छ । कार्यक्रममा प्रदेश अन्तर्गतका ११ वटा जिल्ला मध्य ९ वटा जिल्लाहरु आबद्ध रहेका छन ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्