दोहा कतार- विकासनन्द फाउन्डेसन विश्व परिवार कतारले जीवनयोग प्रयोगशाला, दोहा कतार सङ्गको सहकार्यमा आगामी २१ फेब्रुअरी २०२५ शुक्रबार दोहामा रहेको प्लाजा इन होटलको सभाहलमा आयोजना गर्न लागेको “व्यक्तित्व विकास, स्वास्थ्य र सकारात्मक जीवनशैली” विशेष एक दिने प्रशिक्षण कार्यक्रमको लागि आवश्यक तयारी पूरा भएको छ ।
विगत ४३ वर्षदेखि आत्मजागरण सम्बन्धी ज्ञान बाँड्दै आएका योग, ध्यान र रेकीका प्रवर्तक तथा दार्शनिक गुरु डा. योगी विकासानन्द र माता कमलेश्वरी आनन्दले प्रशिक्षण दिने उक्त कार्यक्रमको लागि आवश्यक सम्पुर्ण तयारी पुरा भएको आयोजक समितिले नेपाली जनता खबरलाई जानकारी गराएको हो ।
डा.योगीबाट कतारमा रहेका नेपाली तथा श्रमिकहरूले तनाव व्यवस्थापन, आत्मविश्वास अभिवृद्धि, शारीरिक स्वास्थ्य सुधार, मानसिक स्थिरता तथा आत्मशक्ति जागरणका विधिहरू सिक्ने पाउने छन भने कार्यक्रमले प्रवासी नेपाली समुदायबीच आपसी समझदारी, सहयोग र भाइचाराको भावना विकास हुनेछ । सहभागीहरूले एक-अर्कासँग अनुभव साटासाट गर्ने, नयाँ कुराहरू सिक्ने र सामाजिक सम्बन्ध मजबुत बनाउने अवसर पाउनेछन् ।
कार्यक्रम एकदिन भए पनि आफैंलाई समय दिनुपर्ने, आफैंलाई चिन्नुपर्ने र आत्मबोध गर्नुपर्ने सन्देश प्रवाहित गर्न केन्द्रित हुनेछ भने कार्यक्रमको मूल उद्देश्य “भित्र शान्ति, बाहिर प्रगति” हो । प्रवासी श्रमिकहरूले लामो समयसम्म कठिन परिश्रम गर्नुपर्ने भएकाले मानसिक तनाव, शारीरिक अस्वस्थता र एक्लोपन जस्ता समस्याहरू भोग्ने गरेको पाइन्छ । यस्ता समस्याबाट मुक्त हुन योग, ध्यान र आत्मजागरण प्रवचन अत्यन्तै प्रभावकारी हुने विश्वास गरिएको छ।
कार्यक्रममा सहभागी हुन इच्छुक जो कोहिले पनि कार्यक्रम संयोजक उर्मिला खत्री (६६१४ ७१९४/५५११ ३०३७) र रामजी खत्री (७७७२ ३१४७/६६४४ ३१४७ लाई सम्पर्क गर्न सकिने बताउदै जीवनशैली सुधार गर्नका लागि सम्पूर्ण दोहा बासी नेपालीहरुलाई सहभागी हुन अनुरोध समेत गरेका छन् ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्