दोहा कतार – कर्णाली प्रदेश समन्वय परिषद, कतारको छैटौं वार्षिकोत्सव तथा तेस्रो अधिवेशन आगामी २८ फेब्रुअरी २०२५ मा हुने भएको छ । परिषदले छैटौं वार्षिकोत्सबको अवसर पारेर एउटा विविध साँस्कृतिक कार्यक्रमको साथमा अधिवेशन गर्न लागेको हो ।
सनैयाको प्लाजामल स्थित वेलफेयर रेष्टुरेन्टको सभाहलमा बिहान ११ बजेदेखि हुने उक्त कार्यक्रमको तिब्र गतिमा तयारी भइ रहेको परिषदका वरिष्ठ उपाध्यक्ष मोतीलाल बुढामगरले नेपाली जनता खबरलाई जानकारी गराएका छन । बुढामगरले कार्यक्रममा उपस्थितिको लागि कतारमा स्थापित विभिन्न संघ संस्था, वैचारिक संस्था, विशिष्ट व्यक्तित्व, समाजसेवी, बुद्धिजीवी, सामाजिक अभियान्ता, व्यवसायी, मिडियाकर्मी, पत्रकार तथा कलाकारहरु लाई पत्राचार गर्ने काम भइ रहेको बताएका छन ।
दोहामा रहदै गर्दा कलाकारितालाई निरंतरता दिदै आफ्नो उच्च पहिचान बनाउन सफल भएका करिब एक दर्जन कलाकारहरुको साङ्गीतिक प्रस्तुति रहने गरि आयोजना हुन लागेको कार्यक्रमको मिडिया पार्टनरको रुपमा अन्य मिडियाहरु सङ्गै नेपाली जनता खबर पनि रहेको छ भने परिषद “कर्णाली सभ्यता र भाषा हाम्रो पहिचान, कर्णाली संस्कृतिलाई विश्वव्यापी चिनाउने हाम्रो अभियान” भन्ने मुल नारा सहित कतारमा सन् २०१९ मा स्थापना भएको हो ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्