कतार आइपुगे मेरो भ्वाइस र मेरो डान्स युनिभर्स सिजन २ को अडिसनका निर्णायक सहितको टिम……

दोहा कतार- नेपाली गीतसङ्गीतलाई विश्वव्यापी रुपमा चिनाउने उद्देश्यका साथ सन् २०२३ बाट सुरु गरिएको दुई अन्तर्राष्ट्रिय स्तरको रियालिटी शोहरु ‘मेरो भ्वाइस युनिभर्स’ र ‘मेरो डान्स युनिभर्स’ सिजन–२ को शुक्रबार कतारमा हुने अडिसनको लागि कोच सहितको अफिसियल टिम दोहा आइपुगेका छन । 

आज मंगलबार बिहानै अडिसनका लागि नृत्य तर्फको निर्णायक भूमिकामा रहेका चर्चित कोरियोग्राफर तथा नृत्य निर्देशक शंकर वि.सी सहित इन्ट्रा नेशनलका बोर्ड मेम्बरहरु रोशन बिष्ट, लाल बहादुर तिबारी, सोनु तामाङ र अथिराज सिवाकोटी कतार आइपुगेका हुन भने गायन बिधाका लागि निर्णायक भूमिकामा रहेका गायक डम्बर नेपाली बुधबार मात्रै कतार आउने भएका छन ।

फेब्रुअरी २१ तारिक दोहाको अबु हामुर स्थित आइडियल इन्डियन स्कुलको हलमा बिहान ११ बजेबाट सुरु हुने अडिसनमा सहभागी हुन गायन र नृत्य दुबै गरि करिब १ सयको हाराहारीले आवेदन फारम भरिसकेका छन भने अझै केही समय बाकी रहेकाले सहभागी हुनेको संख्या बढ्न सक्ने अडिसन कतारका संयोजक शिवराम ढकालले बताएका छन ।

कतार अडिसनको लागि आएका निर्णायक सहितको टिमलाई स्वागत गर्न राष्ट्रिय लोक तथा दोहोरीगीत प्रतिष्ठान नेपाल, कतार शाखाका अध्यक्ष एवं कतार अडिसनका संयोजक शिवराम ढकाल, प्रथम उपाध्यक्ष कृष्ण प्रसाद ढकाल, एनसीसी कतार सचिव रोशन अर्याल, नमस्ते रेस्टुरेन्टका संचालक श्याम पान्डे लगायतका व्यक्ति दोहाको हामद इन्टरनेसनल एअरपोर्टमै पुगेका थिए । 

नेपाली रियालिटी सोहरु मध्यकै सर्वाधिक पुरस्कार राशी भएको यी दुई सोमा नेपाल लगायत विश्वभरको विभिन्न देशबाट छनोट भएर आएका नृत्यतर्फ १ सय २० र गायन तर्फ १ सय २० गरि जम्मा २ सय ४० जनाले चरण बद्ध रुपमा उपाधीको लागी काठमाडौमा प्रतिस्पर्धा गर्नेछन् भने दुबै तर्फका विजेताले पुरस्कार स्वरुप १/१ करोड नेपाली रुपैयाँ पाउनेछन ।

अडिसनमा सहभागी हुन इन्ट्रा फाउन्डेसनको अफिसियल वेबसाईट https://www.intrafoundations.org/ मा अथवा कार्यक्रम संयोजक शिवराम ढकाल र मिडिया संयोजक तिलु शर्मा पौडेल सङ्ग सम्पर्क गरेर फारम भर्न सकिनेछ ।

यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।

 

सम्बन्धित समाचार