काठमाडौँ – नेपाल विद्युत प्राधिकरणका पूर्व कार्यकारी निर्देशक कुलमान घिसिङले आफूले बक्यौता उठाएको कारण सरकारले आफूलाई पदबाट हटाएको स्पष्ट पारेका छन्।
शुक्रबार पत्रकार सम्मेलन गर्दै घिसिङले अदालतको आदेशअनुसार विद्युत महसुलको बक्यौता उठाएको तर त्यही कामको कारण सरकारले आफूलाई हटाएको दाबी गरे। उनले आफूलाई बक्यौता नउठाउन अनेक दबाब र प्रभाव आएका तर ती सबै अस्वीकार गरेको पनि बताए।
मैले बक्यौता उठाउने गरेको प्रयास नै मलाई पदबाट हटाउने मुख्य कारण बन्यो,” घिसिङले भने, “सार्वजनिक संस्थाको बक्यौता असुल गर्न खोज्नु राज्यविरुद्धको अपराध हो? यसको जवाफ त इतिहास र जनताले नै माग्नेछन्।”
उनले संस्था र राष्ट्रप्रति बेइमानी गर्न नसकेको र कानुनअनुसार काम गर्दा पनि दबाब र प्रभाव सहनुपरेको गुनासो गरे।
प्रतिक्रिया दिनुहोस्