आश्विन १३ गते सोमबार हेर्नुस् राशिफल सेयर गरी पाथिभारा माताको दर्शन गर्नुहोस् 

आजको पञ्चाङ्गमा वि.सं. २०८२ साल आश्विन १३ गतेको बार, तिथि, नक्षत्र, योग, र अन्य विवरणहरू समावेश छन्।

मेषदेखि मीन राशिसम्मका व्यक्तिहरूको लागि राशिफल अनुसार, विभिन्न क्षेत्रमा सफलता र अवसरहरू प्राप्त हुनेछन्।

शुभ कार्यका लागि लाभ बेला र अमृत बेलाको समय उपयुक्त हुनेछ, भने राहुकालमा शुभ कार्य नगर्न सुझाव दिइएको छ।

आजको पञ्चाङ्ग

वि.सं.२०८२ साल आश्विन १३ गते । सोमबार । ईश्वी सन् २०२५ सेप्टेम्बर २९ तारिख । नेपाल संवत् ११४५ । सिद्धार्थी संवत्सर । दक्षिणायनं । शरद ऋतु । श्रीशाके १९४७ । आश्विन शुक्ल पक्ष । तिथि–सप्तमी, १६ घडी १० पला, मध्यान्ह १२ बजेर २४ मिनेट उप्रान्त अष्टमी । नक्षत्र–मूल, ५४ घडी ७ पला, रातको ३ बजेर ३४ मिनेट उप्रान्त पूर्वाषाढा । योग–सौभाग्य, ४४ घडी २४ पला, बेलुकी ११ बजेर ४१सो मिनेट उप्रान्त शोभन । करण–वणिज, मध्यान्ह १२ बजेर २४ मिनेट उप्रान्त भद्रा, रातको १ बजेर ६ मिनेट उप्रान्त बव । आनन्दादिमा–लुम्ब योग । चन्द्रराशि–धनु ।

काठमाडौँमा सूर्योदय बिहान ०५ बजेर ५६ मिनेट । सूर्यास्त बेलुकी ५ बजेर ५० मिनेट । दिनमान २९ घडी ४७ पला ।

बिहान ५ बजेर ५६ मिनेटसम्म अमृत बेला ।

बिहान ५ बजेर ५७ मिनेटदेखि बिहान ७ बजेर २५ मिनेटसम्म काल बेला ।

बिहान ७ बजेर २६ मिनेटदेखि बिहान ८ बजेर ५४ मिनेटसम्म शुभ बेला ।

बिहान ८ बजेर ५५ मिनेटदेखि बिहान १० बजेर २४ मिनेटसम्म रोग बेला ।

बिहान १० बजेर २५ मिनेटदेखि बिहान ११ बजेर ५३ मिनेटसम्म उद्वेग बेला ।

बिहान ११ बजेर ५४ मिनेटदेखि दिउसो १ बजेर २३ मिनेटसम्म चर बेला ।

दिउसो १ बजेर २४ मिनेटदेखि दिउसो २ बजेर ५२ मिनेटसम्म लाभ बेला ।

दिउसो २ बजेर ५३ मिनेटदेखि बेलुकी ४ बजेर २१ मिनेटसम्म अमृत बेला ।

बेलुकी ४ बजेर २२ मिनेटदेखि बेलुकी ७ बजेर २१ मिनेटसम्म चर बेला ।

नोट : शुभकार्य तथा यात्रा गर्दै हुनुहुन्छ भने लाभबेला र अमृत बेलाको समय पारेर गर्नुहोला ।

राहुकाल

बिहान ७ बजेर २५ मिनेटदेखि बिहान ८ बजेर ५४ मिनेटसम्म राहुकाल रहनेछ ।

नोट : राहुकालको समयमा कुनै पनि शुभ कार्य नगर्नुहोला ।

ब्रहा मुहूर्त

बिहान ४ बजेर २० मिनेटदेखि बिहान ४ बजेर ५८ मिनेटसम्म ब्रहा मुहूर्त रहनेछ ।

आजको राशिफल

मेष (चू,चे,चो,ला,लि,लू,ले,लो,अ) समाज तथा समुदायको हितमा काम गर्न सकिने हुँदा इज्जत प्रतिष्ठामा वृद्धि भएर जानेछ । प्रेममा रमाउन चाहनेहरूका लागी समय उत्तम रहेको छ । धार्मिक तथा आध्यात्मिक क्षेत्रमा समय लगानी गरी अरूको सेवा गर्ने अवसर जुर्नेछ । दैनिक उपभोग्य बस्तु, पहिरन, सवारी साधन तथा बिलासी सामानको व्यापारमा उल्लेख्य वृद्धि हुनेछ । यात्रा तथा पारिवारिक मिलनमा समय व्यातित हुनेछ ।

वृष (ई,ऊ,ए,ओ,वा,वि,वू,वे,वो) व्यस्तता बढे पनि स्वास्थ्यको ख्याल नगर्दा कमजोरी महसुस हुनेछ । खानपान तथा बाहिरी वातावरणको ध्यान दिनुहोला । प्रेममा रमाउन चाहनेहरूका लागी आजको दिन मध्यम रहेको छ । गोप्यता भङ्ग हुने तथा आफन्तसँग विवाद बढ्नेछ । तर पनि धर्ममा आस्था तथा विश्वास राख्नेहरूका लागी समयले साथ दिनेछ । खानपान, यात्रा तथा मनोरञ्जनमा समय व्यातित हुनेछ । चाडबाड लक्षित सामानको व्यापारमा उल्लेख्य वृद्धि हुनेछ ।

मिथुन (का,की,कू,घ,ङ,छ,के,को,हा) विभिन्न भौतिक तथा बिलासी सामानको प्रयोग गर्न पाइनेछ । माया प्रेममा सामिप्यता बढेर जाने तथा जीवन साथीको सहयोगले राम्रा काम गर्न सकिनेछ । दैनिक उपभोग्य वस्तु तथा चाडबाड लक्षित सामानको व्यापारमा उल्लेख्य मात्रामा वृद्धि हुनेछ भने व्यापारमा स्रोत साधन जुट्नाले प्रशस्त आम्दानी हुनेछ । छोटो दुरीको यात्रा हुने, परिवार तथा आफन्तसँग भेट हुनाले मन प्रसन्न रहनेछ ।

कर्कट (ही,हू,हे,हो,डा,डी,डु,डे,डो) विवाद तथा प्रतिस्पर्धामा विजय हुने योग रहेको छ । दैनिक उपभोग्य बस्तु, पहिरन तथा चाडबाड लक्षित सामानको व्यापारमा उल्लेख्य वृद्धि हुनाले पुराना ऋण चुक्ता गर्न सकिनेछ । स्वास्थ्यमा देखिएका समस्या हल भएर जानेछ । माया प्रेममा नजिक हुने समय रहेको छ भने मावली पक्षबाट सहयोग पाइनेछ । परिवारका साथ यात्रा, मनोरञ्जन तथा खानपानमा समय व्यातित हुनेछ ।

सिंह (मा,मी,मू,मे,मो,टा,टी,टू,टे) दैनिक उपभोग्य बस्तु, सवारी साधन, पहिरन तथा अनलाइन व्यापारबाट मनग्गे आम्दानी हुनेछ । स्थायी सम्पत्ति तथा मन परेको सामान उपहारको रूपमा प्राप्त हुनेछ । सन्तान तथा अनुयायीको साथले उपलब्धिमूलक काम गर्न सकिनेछ । छुट्टिएका प्रेम सम्बन्धहरू पुनः सुचारु हुनेछ । यात्रा, मनोरञ्जन तथा परिवारमा साथ मिष्टान्न भोजन ग्रहण गर्ने अवसर प्राप्त हुनेछ ।

कन्या (टो,पा,पी,पू,ष,ण,ठ,पे,पो) आमा तथा आफन्तबाट भनेजस्तो सल्लाह तथा सुझाव पाइने हुनाले सुधारात्मक काम गर्न सहयोग हुनेछ । कृषि तथा पशुपालन व्यवसायबाट राम्रो आम्दानी हुनेछ । चाडबाड लक्षित सामानको व्यापारमा उल्लेख्य वृद्धि हुनेछ । सामाजिक काममा समय दिनु पर्नेछ भने तपाईँको काम देखि सबै खुसी हुनेछन् । तर पनि राजनीति तथा समाजसेवामा समय लगानी गर्नेहरूले सर्वसाधारणसँग सन्तुलित व्यवहार गर्नुहोला काम बिग्रने हुँदा मान सम्मानमा कमी हुनेछ ।

तुला (रा,री,रु,रे,रो,ता,ती,तू,ते) शुभ तथा माङ्गलिक समारोहमा जमघट भई स्वादिष्ट भोजन ग्रहण गर्ने अवसर प्राप्त हुनेछ । छोटो दुरीको परिणाममुखी यात्राको तय हुनेछ भने खेलकुद तथा अन्य क्रियाकलापमा समय दिनेहरूले राम्रो सफलता प्राप्त गर्न सक्नेछन् । चाडबाड लक्षित सामानको व्यापारमा उल्लेख्य मात्रामा वृद्धि हुनेछ । माया प्रेममाको गाँठो कसिलो हुनुको साथै दाम्पत्य जीवनमा खुसीयाली छाउनेछ । पराक्रम बढेर जानेछ भने दाजुभाइ तथा अन्य इष्टमित्रबाट सहयोग हुने हुँदा मन खुसी रहनेछ ।

वृश्चिक(तो,ना,नी,नू,ने,नो,या,यी,यू) चाडबाड लक्षित सामानको व्यापारबाट आर्थिक क्षेत्र बलियो बनाउन सकिनेछ । पहिले लगानी गरेका रकमहरू उठ्ने हुनाले मन प्रसन्न हुनेछ । आफन्त तथा कुटुम्बसँगको सम्बन्धमा सुधार भएर जानेछ भने आफन्तको सहयोगले हरेक क्षेत्रमा प्रगति गर्न सकिनेछ । रमाइलो जमघटमा सामेल भई मिष्टान्न भोजन ग्रहण गर्ने अवसर प्राप्त हुनेछ भने होटेल तथा खानपान सम्बन्धी व्यापारबाट लाभ लिन सकिनेछ । प्रयत्न गर्दा भइपरी आउने समस्याहरू सहजै समाधान हुनेछ ।

धनु(ये,यो,भा,भी,भू,ध,फा,ढा,भे) पहिरन, दैनिक उपभोग्य वस्तु तथा चाडबाड लक्षित सामानको व्यापारबाट मनग्गे फाइदा हुनेछ । आम्दानीका स्रोत पहिल्याउन सकिनेछ भने सामाजिक काम गर्दै नाम कमाउन सकिनेछ । नौलो प्रकृतिको काम गरी आयस्रोतमा वृद्धि गर्न सकिनेछ । विभिन्न किसिममा भौतिक लाभ हुनेछ भने सवारी साधन प्राप्तिको योग रहेको छ । कलाकारिता तथा सङ्गीत पेसा व्यवसायमा समय लगानी गर्नेहरूले प्रशस्त रुपैयाँ पैसा कमाउने ग्रहयोग रहेको छ । घर परिवारमा सुखद समाचारले थप उत्साह जगाउनेछ ।

मकर (भो,जा,जी,जू,जे,जो,ख,खी,खू,खे,खो,गा,गी) समय राम्रो रहेकोले विदेशी सामानको व्यापारबाट मनग्गे लाभ लिन सकिनेछ । चाडबाड लक्षित सामानको व्यापारमा उल्लेख्य मात्रामा वृद्धि हुनेछ । यात्रा खानपान तथा मनोरञ्जनमा समय व्यातित हुनेछ । तर पनि स्वास्थ्य सम्बन्धी समस्या आउन सक्छ ध्यान दिनुहोला । राज्यसँग सम्बन्धित काम गर्दा ख्याल गर्नुहोला जरिवाना पनि हुन सक्छ ।

कुम्भ (गू,गे,गो,सा,सी,सू,से,सो,दा) दैनिक उपभोग्य वस्तु, पहिरन तथा बिलासी सामानको व्यापारमा उल्लेख्य वृद्धि हुनेछ । चाडबाड लक्षित सामानको व्यापारबाट आम्दानीका स्रोतहरू बढाउन सकिनेछ । दाजुभाइ तथा आफन्तबाट भने जस्तो सहयोग हुनेछ । माया प्रेममा सामिप्यता बढेर जाने ग्रहयोग रहेको छ । सवारी साधन तथा अन्य भौतिक सम्पत्तिहरू लाभ हुनेछ । परिवारका इच्छा, आकांक्षा तथा मनोकामना पुरा हुने समय रहेको छ । खानपान, यात्रा तथा मनोरञ्जनमा समय व्यातित हुनेछ ।

मीन (दी,दू,थ,झ,ञ,दे,दो,चा,ची) पारिवारिक माहौलमा मिष्टान्न भोजन गर्ने अवसर प्राप्त हुनेछ । कामहरू समयमा नै सम्पन्न हुने हुनाले थप काम गर्न जोस जाँगर बढेर आउनेछ । सहयोगीहरूबाट आर्थिक लाभ हुनेछ भने उपहार प्राप्तिको योग रहेको छ । तपाईँको चुम्बकीय व्यक्तित्वले सबैको मन तान्नेछ । चाडबाड लक्षित सामानको व्यापार फस्टाएर जानेछ भने आम्दानीका बाटाहरू फराकिला हुनेछन् । यात्रा, मनोरञ्जन तथा पारिवारिक माहौलमा समय व्यातित हुनेछ ।