परेको छु शब्दको, अभावमा अचेल।।
म मुस्कुराउने गर्छु जवाफमा अचेल
छोराले बाआमा बिर्सियो ठिकै गर्यो।।
बोटको माया भेटिन्न पातमा अचेल
तिम्रो यादले, तिम्रो पिरको असरले।।
केहि अरु हुन्न मेरो दिमागमा अचेल
निश्चित न तिमी भयौ, न तिम्रो प्रेम।।
जिन्दगी चल्दैछ अन्दाजमा अचेल
गजल
एक्लै गरेर मात्र नहुने रहेछ बात पनि!बो
ल्दा सम्म थियो कसैको साथ पनि!!
आखाँ चिम्लि जसलाई बिश्वास गरे,
उसैबाट बिस्तारै हुँदै छ घात पनि!!
तिमीले पर्खिएनौ भन्ने भ्रम मेटियो,
दिनको साथ पाए सकिन्छ रात पनि!!
जात धर्म केहि होइन भन्नेकै हातबाट,
मायाँमा त मर्ने कारण रह्यो जात पनि!!
बाहिरी चोट नदेखाई भित्र भित्रै गलाउने,
अनौठो हुँदोरहेछ यो प्रेमको मात पनि!!
#गजल
आमालाई भगवानको भरमा छोडेको छ ।
कुन परदेशीले आफ्नो देश रहरमा छोडेको छ ।
एउटै थियो लास उठाउन सक्ने मान्छे गाउँमा,
उसले पनि राहदानी मेनपावरमा छोडेको छ ।
यो एउटा परदेशीले पठाएको चिट्ठी हो हेर्नुस्,
कसरी आफूलाई अक्षर अक्षरमा छोडेको छ ।
जीवनभरी कसैले कसैलाई साथ दिन सक्दैन,
नदीले पनी कैयौँ ढुङ्गाहरू बगरमा छोडेको छ ।
म कुनैदिन कोहिनुर बनेर निस्किए के होला ?
आज कसैले मलाई सुनको चक्करमा छोडेको छ।
भरत डिसी (हाल मलेसिया)
प्रतिक्रिया दिनुहोस्