नेपाली जनप्रगतिशील मञ्च,कतारको छैटौं महाधिवेशन सम्पन्न राजेन्द्र देवकोटा (राज) को नेतृत्वमा ४८ सदस्यीय नयाँ कार्यसमिति चयन…..

दोहा कतार – “ससारका मजदुर एक हौं” भन्ने नारा सहित कतारमा २००७ मा स्थापना भएको नेपाली जनप्रगतिशील मञ्च,कतारको छैटौं महाधिवेशन शुक्रबार मन्सुरा स्थित मुन्ताजा पार्क नजिकै रहेको होटेल होलिडे भिल्लाको सभा हलमा शुक्रबार भव्य सम्पन्न भएको छ।

मञ्चका अध्यक्ष बुद्धिप्रसाद भण्डारीको सभापतित्व, नेपालबाट आमन्त्रित नेकपा माओवादी केन्द्रका उप- महासचिव तथा पुर्व गृहमन्त्री एवंम पुर्व अर्थमन्त्री जनार्दन शर्मा ( प्रभाकर) को प्रमुख आतिथ्यता, एनआरएनए आइसीसीका अध्यक्ष आर.के शर्मा, एनसीसी कतारका अध्यक्ष रमेश भट्ट लगायत कतारमा स्थापित विभिन्न संघ संस्थाहरुका प्रमुख तथा प्रतिनिधिहरु, बैचारिक संस्थाका प्रमुख एवंम प्रतिनिधिहरु, बिशिस्ट सामाजिक व्यक्तित्वहरु, सामाजिक अभियान्ताहरु, कलाकार, पत्रकारहरु र उल्लेखनीय दर्शकहरुको उपस्थिति रहेको कार्यक्रम दीप प्रज्वलन गरि राष्ट्रिय गान बजाएर जनयुद्ध कालमा सहिद भएका ज्ञात अज्ञात शहिदहरुको सम्झनामा एक मिनेट मौन धारण गरी मञ्च,कतारका बरिस्ठ उपाध्यक्ष राजेन्द्र देवकोटाको स्वागत मन्तव्य र बाल कलाकारहरु आरोही थापा, प्रज्ञा न्युउरे, समृद्धि सापकोटा, दिया सिङको स्वागत नृत्यसङ्गै औपचारिक रुपमा कार्यक्रम सुरु भएको थियो ।

बन्द र खुल्ला सत्र गरी दुइ चरणमा बिभाजित कार्यक्रमको खुल्ला सत्र कार्यक्रममा शुभकामना मन्तव्य राख्ने क्रममा पर्वत सेवा समाज कतारका अध्यक्ष रघुनाथ शर्मा, गण्डकी प्रदेश समन्वय परिषद कतारका अध्यक्ष सागर पौडेल, नेपाली प्रवासी मञ्चका अध्यक्ष प्रभात त्रिपाठी, नेपाली महिला समाज कतारकी अध्यक्ष माया के.सी, दलित एकता संजाल कतारका अध्यक्ष किरण परियार, सामाजिक व्यक्तित्व सागर नेपाल, मञ्चका सल्लाहकार तथा अनुशासन बिभाग प्रमुख नरेन्द्र भाट, सल्लाहकार विमल सुवेदी, संघीय लिम्बुवान कतारकी अध्यक्ष रेखा राई, अन्तरास्ट्रिय नेपाली समाजाका महासचिव धुर्ब क्षेत्री, नेपाली जनप्रगतिशील मोर्चाका अध्यक्ष रबिन पुन मगर, नेपाली प्रवासी एकता समाज (पानस) का अध्यक्ष तिलक श्रेष्ठ, नेपाली समाज कतारका अध्यक्ष मनिष यादव, एनआरएनए आइसीसीका अध्यक्ष आर.के शर्मा, नेपाली जनप्रगतीशिल मञ्च प्रवास समन्वय समितीका सदस्य डिबि क्षेत्री, नेकपा माओवादी केन्द्र, प्रसाव समन्वय समितिका अध्यक्ष ओम शर्मा, नेकपा माओवादी केन्द्र, प्रसाव समन्वय समितिका सह- इन्चार्ज लक्ष्मण पन्त, लगायतले आ- आफ्नो शुभकामना मन्तव्य राखेका थिए ।

मन्तव्यकै क्रममा प्रमुख अतिथि शर्माले उपस्थित सबैलाई सम्बोधन गर्दै पुर्व वक्ताहरुले उठाएका सबै कुराहरूमा आफ्नो पूरा समर्थन रहेको र त्यो महत्त्वपूर्ण बिषयहरुलाई संसदमा पनि राख्नुको साथै त्यसको समाधानको लागि पहल र कार्यनयन गर्न नेतृत्व पनि आफैले गर्ने प्रतिबद्धता गरेका थिए । उनले नेपाली जनप्रगतिशील मञ्च,कतार कतारमा रहेका करिब चार लाख भन्दा धेरै नेपालीहरुको अभिभावक भएकोले कुनै हिचकिचाहट अभिभागत्त्व ग्रहण गर्नु पर्ने बताए।

बोल्ने क्रममै शर्माले कतारमा रहेका सबै नेपालीहरुको पिडाहरु, मुद्दाहरु, एजेन्डाहरु र समस्याहरुलाई स्वीकार गर्दै नेपालको बारे सोधिएका प्रश्नमा भने अति राजनितीको चपेटाको समस्यामा परेको जवाफ दिएका थिए भने सामन्तबादको थिचोमिचो र दमनकारी प्रवृत्तिले त्यस्तो भइ रहएको बताए । नेपालमा भइ रहेको अति राजनीति कतारमा भएका नेताकार्यकर्ताले सिको नगरेर एकता, सद्भाव, मेलमिलाप र हातेमालो गरेर जान सके नेपालमा बसेर राजनीति गरिरहेका राजनीति दलहरूले पनि सिक्ने वातावरण बन्ने कुरा व्यक्त गरेका थिए।

उनले वैदेशिक रोजगारीको सिलसिलामा विश्वभरी श्रम गरिरहेका ४०-५० लाख नेपालीहरुको पार्टी र संगठनहरु अलग-अलग भए पनि लक्ष्य र उद्देश्य एउटै राष्ट्र निर्माण भएको भन्दै ती सबै नेपाली राष्ट्रको पुजी अर्थात सम्पत्ति भएको र राष्ट्र निर्माणको लागि ठुलो योगदान रहनुको साथै उनिहरुकै मिहिनेत र पसिनाले देश चलिरहेको कुरा सबैले स्वीकार गर्नु पर्ने बताए। यसरी राष्ट्र निर्माणको लागी योगदान गर्नेहरुलाई सम्मान गर्नु पर्नेमा परदेशबाट घर जादा एअरपोर्टमा भन्सारमा विभिन्न समस्याहरु झेल्नु परेको कुरालाई स्मरण गर्दै त्यस्ता समस्याहरुको बाबजुद पनि देश प्रति माया र चिन्ता गर्ने सबैलाई आफुले सधैं सम्मान गर्ने बताए।

आज नेपाल जुन हिसाबले परदेशमा बस्ने नेपालीहरुले चिनाइ रहेका छ्न त्यही हिसाबले सबै नेपालमै केन्द्रित भएर साङठनिक, राजनीतिक, भाषिक तथा साँस्कृतिक हिसाबले पनि समृद्ध र अझै सु- साशनयुक्त बनाउदै जनताको जिवनमा परिवर्तनको आवश्यकता महसुस भएको र त्यसको लागि स्वतन्त्रता पहिलो कुरा रहेको बताए।

शर्माले आफू ४ वटा मन्त्री भए पनि जम्मा ३६ महिना मध्ये ९ महिना उर्जा मन्त्री भएको र त्यो अबधिमा लामो समयदेखी जनताले खेप्दै आएको लोडसेडिङको अन्त्य गर्छु भन्दा बिज्ञापन निकालेर सम्भब छैन भन्ने र कुलमानलाई प्राधिकरणमा नल्याउन दबाब दिनेलाई नै चुनौती दिदै त्यहाको भ्रष्टाचारलाई न्यूनीकरण गर्दै लोडसेडिङको अन्त्य गरेर देखाइ दिएको बताए ।

उनले अहिले नेपालमा सरकार र प्रतिपक्ष मिलेर काम गर्ने वातावरण बन्न नसकेको जानकारी गराउदै यस्ता धेरै योजनाको कामहरु गर्न समस्या भइ रहेको बताए । चाकरी गरेर जागिर खाने कर्मचारी तन्त्रले गर्दा क्षेमतावान र योग्य युवाहरू पछाडि परेको परिपक्षमा अहिले त्यस सिस्टमलाई परिवर्तन गर्दै लाने क्रम बढाउदै लगेको बताउदै नेपाली जनप्रगतिशील मञ्च,कतारको अब बन्ने नयाँ कार्यसमितिले हरेक कार्यमा चुस्त दुरुस्त रुपमा काम गर्ने बिश्वास राख्दै सफल कार्यकालको शुभकामना दिएर आफ्नो मन्तव्यलाई बिट मारेका थिए।

मञ्चका सचिव बिकास गैरेले सहजीकरण गरेका खुल्ला सत्र कार्यक्रम अवधिभर कतारमा रहेका स्थापित कलाकारहरु गुना मगर ‘निशु’, रेश्मी सेन्चुरी, बाबू कौशल, शान्ति वली, सृष्टि लामा, सुमित्रा भट्टराई, सुरेश बिसीले विभिन्न जनवादी गीतहरूमा आ-आफ्नो गायन तथा नृत्य प्रस्तुतिहरु मार्फत उपस्थित सबैलाई मनोरञ्जन प्रदान गरेका थिए ।

खुल्ला सत्र कार्यक्रमको अन्तमा मञ्चका अध्यक्ष एवंम कार्यक्रमका सभापति बुद्धि प्रसाद भण्डारीले कार्यक्रम सफल बनाउन आफ्नो निमन्त्रणा स्वीकार गरि उपस्थित भएका सम्पूर्ण प्रती आभार व्यक्त गर्दै आफ्नो कार्यकाल भरी साथ सहयोग गर्ने कार्यसमिति पदाधिकारीहरु र मञ्चले गरेका हरेक कार्यमा प्रत्यक्ष अप्रत्यक्ष रुपमा सहकार्य गर्ने सम्पूर्ण लाई धन्यवाद दिदै अब बन्ने नयाँ टिम सङ्ग पनि आफूले ससक्त रुपमा साथ सहयोग गर्ने प्रतिबद्धता सहित नयाँ बन्ने कार्यसमितिलाई सफल कार्यकालको शुभकामना दिदै खुल्ला सत्र कार्यक्रम समापन भएको घोषणा गरेका थिए।

खुल्ला सत्र समापन भए पश्चात् बन्द सत्र कार्यक्रमको लागी सनैया स्थित फुलबारी रेस्टुरेन्टको सभाहलमा जुटेका कार्यसमितिका पदाधिकारीहरु र आगामी कार्यकालको लागि उम्मेदवारी दर्ता गराएका उम्मेदवारहरुको उपस्थितिमा नेकपा माओवादी केन्द्र पार्टी प्रबास समन्वय समिती सदस्य जैबी राईको संयोजकत्वमा दुर्गा प्याकुरेल, कुमार खड्का, सन्तोष क्षेत्री र रबिन मगर रहेका ५ सदस्यीय निर्वाचन समितिको रोबरमा राजेन्द्र देवकोटा (राज) को नेतृत्वमा ४८ सदस्यीय नयाँ कार्यसमिति निर्विरोध चयन भएका छन । जस अन्तर्गत:-