दोहा कतार- सिन्धुली सेवा समाज कतारले कतार भ्रमणमा रहेका रामेछाप खाँडादेवी एक राकाथुमका वडा अध्यक्ष राम कुमार श्रेष्ठ सहितको युवा व्यवसायीहरु सङ्ग स्नेह मिलन तथा परिचयात्मक गरेको छ ।
समाजका अध्यक्ष कृष्ण बर्माको सभापतित्वमा सिन्धुलीको सुनकोशी गाउँपालिका झाँगाझुली रातमाटामा जन्मिएर त्यहिको स्थानिय स्कुल श्री प्रगतिशील माध्यमिक बिद्यालय बोहोरेटारबाट वि.सं. २०५९ सालमा एस.एल.सी दिएका ब्याजीहरू मध्येका खाँडादेवी एकका वडा अध्यक्ष समेत रहेका रामकुमार श्रेष्ठ सहित सन्तोष भट्टराई, नवीन श्रेष्ठ, प्रदिप श्रेष्ठ र रामचन्द्र श्रेष्ठको टोलिसङ्ग शुक्रबार प्लाजामल स्थित संसरा रेष्टुरेन्टको सभाहल स्नेह मिलन तथा परिचयात्मक कार्यक्रम सम्पन्न भएको हो ।
एस.एल.सी पश्चात् १६ जनाको युवा समुहले होटेल ब्यबसाय लाई मुल एजेन्डा बनाउदै अथाह मिहेनत र संघर्ष गर्दै आज व्यावसायिक रुपमै सफलताको अग्रपंक्तिमा रहेको र विश्वभरका विभिन्न बिकसित देशहरुको बिकासलाई नियाल्न र आफ्नो देशमा पनि कसरी बिकासको फड्को मार्न सकिन्छ भन्ने विषयमा जान्ने र बुझ्ने उदेश्यका साथ विभिन्न देशहरूको भ्रमण गर्ने क्रममा कतार आइपुगेका उनिहरु सङ्ग सिन्धुली सेवा समज कतारका सल्लाहकार समेत रहेका र जागिरका साथै आफ्नै ब्यबसाय समेत गर्दै आएका अर्जुन पुरीले भेटघाटको लागि सहजीकरण गरिदिएका थिए ।
समाजकमा सचिव गंगा बहादुर सुनुवारले सहजीकरण गरेका कार्यक्रममा उपाध्यक्ष नीर बहादुर सुनुवार (जनक) ले भ्रमणमा रहेका सम्पूर्णलाई स्वागत मन्तव्यद्वारा स्वागत गर्दै सन् २००३ मा स्थपना भएको सिन्धुली सेवा समाज कतार र यहाँको नेपाली समुदायको बारेमा जानकारी गराएका थिए भने भ्रमणमा रहेका ब्यबसायी सन्तोष भट्टराई र खाँडादेवी एकका वडा अध्यक्ष राम कुमार श्रेष्ठले आफुहरु भ्रमणमा आएको बेला समाजले यसरी स्वागत गरेकोमा सुखी व्यक्त गर्दै प्रवासमा दु:ख पिडामा परेको नेपालीहरुलाई सहयोग पुर्याउदै समाजले सक्रियताको साथ निरन्तर रुपमा गरेको सामाजिक कार्यको प्रशंसा गर्दै धन्यवाद दिएका थिए ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्