दोहा कतार- ईस्लामिक धर्मावलम्बीको महान पर्व ईद उल फित्रको अवसर पारेर “दि गोर्खाज ईन्टरटेन्मेन्ट हाउसको आयोजना र नेपाली फिटनेस टिमको सह-आयोजनामा हुन लागेको “नेपाली ईद धमका २०२५” कार्यक्रमको अन्तिम तयारी पूरा भएको छ ।
दोहाको अल लक्ता स्थित ट्युनिसियन स्कुलको सभाहलमा सोमबार हुने कार्यक्रममा आफ्नो सांगीतिक प्रस्तुति दिन नेपालबाट आमन्त्रित अतिथी कलाकारहरु सुपरस्टार नायक तथा मोडल पल शाह, भर्सटायल गायक टंक तिमिल्सिना, चर्चित नृत्याङ्गना तथा मोडल स्मारिका ढकाल पनि शनिबार राती कतार आईपुगिसकेका छन भने कार्यक्रमको लागि आवश्यक तयारी पूरा भएको कार्यक्रम संयोजक तिलु शर्मा पौडेलले नेपाली जनता खबरलाई जानकारी गराएका छन ।
उनले नेपालबाट आमन्त्रित कलाकारहरु सङ्गै कतारमा रहेका कलाकारहरुको पनि साङ्गीतिक प्रस्तुति रहने कार्यक्रममा सहभागी हुन चाहने दर्शकहरुका लागि विभिन्न ठाउँहरु बाट निशुल्क यातयातको ब्यवस्था समेत रहेको छ । साथै आफ्नो सांगीतिक प्रस्तुति दिन कतार आईपुगेका कलाकारहरुले कार्यक्रममा उपस्थित हुन दोहाबासी सम्पुर्ण नेपाली दाजुभाई तथा दिदीबहिनीहरुलाई अनुरोध समेत गरेका छन ।
कार्यक्रम “दि गोर्खाज ईन्टरटेन्मेन्ट हाउस कतार र नेपाली फिटनेस टिम कतारको पहिलो सहकार्यमा “मानव सेवा आश्रम नेपालको सहयोगार्थ” गर्न लागिएको हो । अतिथि कलाकारहरुलाई स्वागत गर्नको लागी इभेन्ट म्यानेजर राकेश श्रेष्ठ, कार्यक्रम संयोजक तिलु शर्मा पौडेल, नेपाली फिटनेस टिम कतारका अध्यक्ष कृष्ण सुनार लगायत अन्य ब्यक्तित्वहरु हमद अन्तर्राष्ट्रिय बिमानस्थलमा पुगेका थिए ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्