दोहा कतार – पोखरा माहानगरपालिका वडा नम्बर १६ छहरेपानीमा रहेको श्री ज्ञान ज्योति माध्यामिक विद्यालयले बुधबार एक कार्यक्रमको आयोजना गरि आफ्नो ६८औं बार्षिकोत्सव तथा अभिभावक दिवस भव्य रुपमा मनाएको छ ।
विद्यालय व्यवस्थापन समितिका अध्यक्ष बलराम आचार्यको सभापतित्व, सामाजिक बिकास तथा युवा खेलकुद मन्त्री माननिय बिन्दुकुमार थापाको प्रमुख आतिथ्यता, पो.मा.न.पा. का शिक्षा अधिकृत जिवन प्रसाद रेग्मीको विशेष आतिथ्यता र वडा अध्यक्ष अमृत शर्मा तिमिल्सिना आतिथ्यता सहित समाजसेवी बुद्धिजीवी, शिक्षाप्रेमीहरु सङ्गै उल्लेखनीय अभिभावक हरुको उपस्थितिमा बार्षिकोत्सव तथा अभिभावक दिवस मनाएको हो ।
विद्यालयले हरेक बर्षको माघ १६ गते देशको लागि बलिदान दिएका ४ सहिदहरु दशरथ चन्द, धर्मभक्त माथेमा, गंगालाल श्रेष्ठ र शुक्रराज शास्त्रीको स्मरण गर्दै बार्सिक उत्सब मनाउदै आइरहेको छ भने यसपाली सोही अबसरका दिन पारेर भुपु विद्यार्थीहरूको सकृय समुहले विद्यालयको शैक्षीक सुधार र गुणस्तरको लागि नेपाली ६१ हजार ३ सय २७ रुपैयाँ सहितको अक्षयकोष स्थापना गर्दिएका छन ।
अक्षयकोष स्थापानाको लागि भुपु बिद्यार्थी दिपा आचार्यले आफूले अध्ययन गरेको विद्यालयलाई थोरै भए पनि सहयोग गरौं भन्ने उदेश्यका साथ भगवती आचार्यले सामाजिक संजाल मार्फत साथीहरू सङ्ग गरेको सकारात्मक सल्लाह र पहलले नै यो अभियान सफल भएको बताईन भने उक्त कार्यक्रममा समुहको तर्फबाट प्रतिनिधित्व जनाउदै नन्दराज आचार्यले मन्तव्य राखेका थिए । उनले यस अभियानमा साथ सहयोग दिनुहुने स्वदेश तथा बिदेशमा रहनुहुने सम्पुर्ण साथीहरूलाई धन्यवाद दिदै छुटेका साथीहरू लाई पनि जोडीन आग्रह गरेका छन ।
कार्यक्रमलाई थप मनोरञ्जनात्मक बनाउन विद्यार्थी भाइबहिनीले साङ्गीतिक प्रस्तुतिहरु प्रस्तुत गरेका थिए भने विद्यालयलाई यो स्थान सम्म ल्याउन स्थापनाकालका संस्थापक स्व माधब प्रसाद आचार्य, वि.ब्य.स का पुर्ब अध्यक्षहरु, शिक्षकहरु, शिक्षा प्रेमीहरु, अभिभाबकहरु सम्पुर्णले खेलेको अहम् भुमिका प्रती खुसी व्यक्त गर्दै अध्यक्ष आचार्यले धन्यवाद दिएका थिए ।
कार्यक्रममा बोल्दै विद्यालयका प्र.अ. यम कार्कीले वि.सं २०१३ सालमा स्थापना भएको विद्यालय प्रा.वि, नि.मा.वि, हुँदै हाल मा.वि स्तरसम्म आइपुग्दा भुपु विद्यार्थीहरुले विद्यालयलयलाई गरेको आर्थिक सहयोग प्रति आफू अत्यन्तै खुसी भएको बताउदै धन्यवाद व्यक्त गरेका थिए । भने रकम हस्तान्तरणको क्रममा नन्दराज आचार्य, सरला कडेल , अस्मिता आचार्य र मिना आचार्यको उपस्थिति रहेको थियो ।
कार्यक्रममा उपस्थित अन्य महानुभावहरुले चन्दा सहयोग गरेका थिए । चन्दाबाट दुई लाख भन्दा धेरै रकम संंकलन भएको छ ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्