दोहा कतार- नेपाली इद धमाका ल- २०२५ कार्यक्रममा सहभागी हुन सुपर स्टार नायक पल शाह सङ्गै गायक टंक तिमिल्सिना र मोडल तथा डान्सर स्मारिका ढकाल कतार आउने भएका छन ।
दि गोर्खाज इन्टरटेन्मेन्ट हाउसको आयोजना र नेपाली फिट्नेश टिम कतारको सह-आयोजनामा मुस्लिम धर्मावलम्बीहरुको महान पर्व इद उल फित्रको अवसर पारेर अल लुक्ता स्थित ट्युनिसियन स्कुलको हलमा आयोजना गर्न लागिएको “मानव सेवा आश्रम नेपालको सहयोगार्थ” नेपाली इद धमाका- २०२५ बिशेष कार्यक्रममा साङ्गीतिक प्रस्तुति राख्न सुपर स्टार नायक पल शाह, नेपाली गीतसङ्गीतको क्षेत्रमा आफ्नो छुट्टै पहिचान बनाउन सफल चर्चित तथा भर्सटायल गायक टंक तिमिल्सिना र मोडल तथा डान्सर स्मारिका ढकाल कतार आउन लागेको आयोजकले आइतबार साँझ मुन्जाता स्थित गोरखाली रेस्टुरेन्टको सभाहलमा एउटा मिट एण्ड ग्रीट कार्यक्रमको आयोजना गरि जानकारी गराएको छ ।
कार्यक्रमका म्यानेजर राकेश श्रेष्ठको सभाध्यक्षता र एनसीसी कतारका अध्यक्ष रमेश भट्टको प्रमुख आतिथ्यतामा सम्पन्न भएको उक्त मिट एण्ड ग्रीट कार्यक्रम मार्फत कार्यक्रम संयोजक तिलु शर्मा पौडेलले कार्यक्रम गर्नुको उद्देश्य र अनुमानित लागत सहितको कार्यक्रम प्रपोजल पेस गरेका थिए । उनले कार्यक्रम नितान्त व्यवसायिक भएकोले भाषण र आशन ग्रहण रहित हुने प्रष्ट पार्दै टिकट विक्रीको आधारमा संघ संस्था तथा व्यक्तिलाई स्पोन्सरकै रुपमा मान्यता दिने बताए ।
शर्माले कार्यक्रमको विषयमा थप प्रस्ट्याउदै कम्तिमा २५ वटा टिकट विक्री गर्ने संस्था वा व्यक्तिलाई एउटा विषेश पास उपलब्ध गराउने ५० भन्दा बढी बेच्नेलाई सिल्भर स्पोन्सर, १ सय बेच्नेलाई गोल्डेन, १ सय ५० टिकट बेच्नेलाई प्लाटिनम र २ सय भन्दा बढी टिकट बेच्नेलाई डाइमण्ड स्पोन्सरको रुपमा वर्गीकरण गरि राखिने बताए ।
नेपाली फिट्नेश टिमका सल्लाहकार कृष्ण ढकालले स्वागत मन्तव्य राखेका कार्यक्रममा बोल्दै प्रमुख अतिथि भट्टले कतारमा नेपालीहरुले आयोजना गर्ने ठुला कार्यक्रमहरु मोफाबाट अनुमति लिएर मात्र गर्न मिल्ने भएकोले अनुमतिको लागि हरेक पटक धाउनु पर्ने बताए भने कतार सरकारले अन्य देशले सम्बन्धित देशको दूतावास मार्फत कम्युनिटी दर्ता गरि सहजरूपमा कार्यक्रम गर्न सक्ने सुबिधा दिएको भए पनि नेपाली कम्युनिटी भने अझै त्यो प्रक्रियामा जान नसकेको बताए । भट्टले यत्तिका चुनौतीको बाबजुद पनि मानव सेवा आश्रमको सहयोगार्थ हुन लागेको कार्यक्रम सफल पार्न सबैलाई सक्दो सहयोग गर्न आग्रह गरेका छन ।
मिट एण्ड ग्रीट कार्यक्रमका सभाध्यक्ष श्रेष्ठले ईद धमाका साङ्गीतिक कार्यक्रमको मुनाफाबाट कम्तीमा १ लाख नेपाली रुपैयाँबाट नघटाई मानवसेवा आश्रमलाई सहयोग गर्ने प्रतिबद्धता जाहेर गरेका छन भने धमाका कार्यक्रमको मेकअप पार्टनरको रुपमा रहेको हर्मोसा ब्यूटी सेन्टरले महिलाहरुको लागि कार्यक्रम सक्किएको ४५ दिन सम्म टिकटको अर्धकटि लिएर गए मेकअपमा २५ प्रतिशत छुटको व्यबस्था गरेको पनि बताए ।
पत्रकारहरु सहित विभिन्न संघ संस्थाका प्रमुख एवं प्रतिनिधीहरु सहित विशिस्ट सामाजिक व्यक्तित्वहरुको उल्लेखनीय उपस्थिति रहेको मिट एण्ड ग्रीट कार्यक्रममा कार्यक्रमको विषयमा उठेका सबै प्रश्नहरुको जवाफ कार्यक्रम संयोजक शर्मा र म्यानेजर श्रेष्ठले प्रष्ट रुपमा दिएका थिए ।
मार्च ३१ तारिख दिउँसो १२:३० बाट हुने उक्त कार्यक्रममा आउन जानको लागि विभिन्न ठाउँबाट यातायातको सुबिधा पनि रहने आयोजक संस्थाले जानकारी गराएका छन भने विस्तृत जानकारीको लागि कार्यक्रम म्यानेजर राकेश श्रेष्ठ- 5599 7539, कार्यक्रम संयोजक तिलु शर्मा पौडेल- 55347957, कृष्ण ढकाल- 3164 6365, कृष्ण सुनार- 6618 5582 सम्पर्क गर्न सकिने छ ।
यो समाचार पढेर तपाईं लाई कस्तो लाग्यो आफ्नो मनमा लागेको कुरा तल कमेन्ट बक्समा लेखिदिनु होला तपाईंको अमुल्य कमेन्ट लाई हामी सधैं सल्लाह सुझावको रुपमा लिनेछौं ।
प्रतिक्रिया दिनुहोस्